入口即溶崩沙腩🤍

# 📍 正九清湯腩 (旺角砵蘭街124-128號砵崙樓地下B號舖） 朋友介紹我食「正九清湯腩」🤤話必食推介！趁今日收早就收工去左食 咁大個牌寫住百吃不厭 令到我更加期待啊😳 我叫左清湯崩沙腩飯🍚當然要+$8轉崩沙腩 一上枱見到有幾多🤤🤤咁足料 不得不讚佢個湯底！真係清湯界既100分 清得黎仍然有牛腩既味道 一啖湯一啖飯🤤完全係好夾 而崩沙腩咬2啖已經係口入面消失左😍相當滿足啊 而且蘿蔔都非常鮮甜！ 而我朋友叫左清湯崩沙腩河🥢 朋友一邊食一邊點哂頭 睇得出佢好滿意😆佢平時食湯麵一定會加辣汁 今次佢食到最後一啖先加 話唔想浪費左個湯底😂好味到夾埋我d崩沙腩🤣🤣 而小食叫左炸排骨🦴 炸得好靚金黃色 仲脆卜卜香噴噴 肉質好嫩🤤都幾有水準 下次再試下其他小食先🤤  (此文章由U Blog 同步發佈至社群)